അഭിമന്യു വധക്കേസില് പ്രതികള് ഇന്നും ഹാജരായില്ല. കോടതിയില് മാധ്യമപ്രവര്ത്തകരുള്ളതിനാല് ഹാജരാകാന് ബുദ്ധിമുട്ടുണ്ടെന്ന് കോടതിയെ അറിയിച്ച് പ്രതികള്.അഭിഭാഷകന് വഴി വിചാരണയില് പങ്കെടുക്കാന് അനുവദിക്കണമെന്നും പ്രതിഭാഗം ആവശ്യപ്പെട്ടു. ചോദ്യങ്ങള്ക്ക് അഭിഭാഷകര് മറുപടി പറയുമെന്നുമായിരുന്നു പ്രതിഭാഗത്തിൻ്റെ വാദം. എന്നാല് പ്രോസിക്യൂഷനും അഭിമന്യുവിന്റെ കുടുംബവും ഇതിനെ എതിര്ത്തു. പ്രതികളുടെ ആവശ്യം നിലനില്ക്കുന്നതല്ലെന്ന് പ്രോസിക്യൂഷന് വാദിച്ചു.വിചാരണ സമയത്ത് എന്ത് ചെയ്യുമെന്നായിരുന്നു പ്രതികളോടുള്ള കോടതിയുടെ മറുചോദ്യം. ഇതിന് ശേഷം പ്രതികള് നേരിട്ട് തന്നെ ഹാജരാകണമെന്നും കോടതി നിർദ്ദേശിച്ചു. അഭിഭാഷകന് വഴി നടപടികളില് പങ്കെടുക്കാന് അനുവദിക്കണമെന്ന പ്രതികളുടെ ആവശ്യം കോടതി തള്ളി. പ്രതികള് വ്യാഴാഴ്ച ഹാജരാകണമെന്നും കോടതി നിര്ദേശിച്ചു.
അഭിമന്യു വധക്കേസ്: മാധ്യമപ്രവര്ത്തകരുള്ളതിനാല് ഹാജരാകാൻ ബുദ്ധിമുട്ടെന്ന് പ്രതികള്, നേരിട്ട് ഹാജരാകണമെന്ന് കോടതി
