തിരഞ്ഞെടുപ്പ് കമ്മീഷണർമാരുടെ നിയമനം: ഹർജികൾ പരിഗണിക്കുന്നത് മാറ്റിവെക്കാനാവില്ലെന്ന് സുപ്രീം കോടതി

ന്യൂഡൽഹി: ചീഫ് ഇലക്ഷൻ കമ്മീഷണറെയും മറ്റ് ഇലക്ഷൻ കമ്മീഷണർമാരെയും തിരഞ്ഞെടുക്കുന്ന സമിതിയിൽ നിന്ന് സുപ്രീം കോടതി ചീഫ് ജസ്റ്റിസിനെ ഒഴിവാക്കിയ കേന്ദ്ര നിയമത്തിനെതിരെയുള്ള ഹർജികൾ പരിഗണിക്കുന്നത് നീട്ടിവെക്കാനാവില്ലെന്ന് സുപ്രീം കോടതി വ്യക്തമാക്കി (Election Commissioner appointment Supreme Court). ഇത് അതീവ പ്രാധാന്യമുള്ള വിഷയമാണെന്നും കോടതി നിരീക്ഷിച്ചു. ശബരിമല കേസ് പരിഗണിക്കുന്ന ഒൻപതംഗ ബെഞ്ചിന്റെ ഭാഗമായതിനാൽ ഹർജി മാറ്റിവെക്കണമെന്ന സോളിസിറ്റർ ജനറൽ തുഷാർ മേത്തയുടെ ആവശ്യം ജസ്റ്റിസ് ദീപാങ്കർ ദത്ത തള്ളി. ഒരു മാസം മുൻപേ നിശ്ചയിച്ച വാദമാണിതെന്നും, ജൂനിയർ അഭിഭാഷകർ കോടതി നടപടികൾ നിരീക്ഷിക്കട്ടെയെന്നും അദ്ദേഹം നിർദ്ദേശിച്ചു.2023 മാർച്ചിൽ സുപ്രീം കോടതി പുറപ്പെടുവിച്ച വിധിപ്രകാരം പ്രധാനമന്ത്രി, ലോക്‌സഭാ പ്രതിപക്ഷ നേതാവ്, സുപ്രീം കോടതി ചീഫ് ജസ്റ്റിസ് എന്നിവരടങ്ങുന്ന സമിതി വേണം തിരഞ്ഞെടുപ്പ് കമ്മീഷണർമാരെ നിയമിക്കാൻ എന്ന് ഉത്തരവിട്ടിരുന്നു. എന്നാൽ ഇതിന് പിന്നാലെ ചീഫ് ജസ്റ്റിസിന് പകരം പ്രധാനമന്ത്രി നിർദ്ദേശിക്കുന്ന ഒരു കേന്ദ്രമന്ത്രിയെ സമിതിയിൽ ഉൾപ്പെടുത്തി കേന്ദ്ര സർക്കാർ പുതിയ നിയമം കൊണ്ടുവരികയായിരുന്നു. ഇതോടെ നിയമനങ്ങളിൽ സർക്കാരിന് അമിതമായ മേൽക്കൈ ലഭിക്കുമെന്ന് ചൂണ്ടിക്കാട്ടിയാണ് ഹർജിക്കാർ കോടതിയെ സമീപിച്ചത്.കൂടുതൽ കണ്ടെത്തുകപ്രവാസി വാർത്തസ്പോർട്സ് കവറേജ്പുതിയ വാർത്തയാത്രാ വിവരണംFruits & Vegetablesതാൽപ്പര്യ സംഘർഷം ഒഴിവാക്കാൻ ചീഫ് ജസ്റ്റിസ് സൂര്യകാന്ത് ഈ കേസ് കേൾക്കുന്നതിൽ നിന്ന് നേരത്തെ പിന്മാറിയിരുന്നു. ഭാവിയിൽ ചീഫ് ജസ്റ്റിസ് ആകാൻ സാധ്യതയില്ലാത്ത ജഡ്ജിമാരുടെ ബെഞ്ചാണ് നിലവിൽ ഈ ഹർജികൾ പരിഗണിക്കുന്നത്. തിരഞ്ഞെടുപ്പ് കമ്മീഷന്റെ സ്വതന്ത്ര സ്വഭാവം ഉറപ്പാക്കുന്നതിൽ ഈ കേസിന്റെ വിധി നിർണ്ണായകമാകും.