ആസൂത്രണബോർഡ് പരീക്ഷ ക്രമക്കേടില്‍ എഫ്‌ഐആർ റദ്ദാക്കണമെന്നാവശ്യപ്പെട്ട് പിഎസ്സി നല്‍കിയ ഹർജി പരിഗണിക്കുമ്പോഴാണ് സർക്കാരിന് കേസിൻ്റെ അടുത്ത നടപടികളുമായി മുന്നോട്ട് പോകാമെന്ന് ഹൈക്കോടതി വ്യക്തമാക്കിയത്.പി എസ് സി ഹർജി നല്‍കിയെന്ന് കരുതി നടപടികള്‍ നിർത്തി വയ്ക്കേണ്ടതില്ല. കോടതി സ്റ്റേ അനുവദിച്ചിട്ടില്ല, പരിഗണനയില്‍ മാത്രമാണെന്നും ജസ്റ്റിസ് ബദറുദ്ദീൻ വ്യക്തമാക്കി. അതിനാല്‍ നിങ്ങള്‍ക്ക് അന്വേഷണവുമായി മുന്നോട്ട് പോകാം. ക്രൈംബ്രാഞ്ച് റിപ്പോർട്ടില് മറുപടി നല്‍കാൻ പിഎസ് സി ഇന്ന് കൂടുതല്‍ സമയം ചോദിച്ചു.കേസ് രണ്ട് ദിവസത്തിന് ശേഷം പരിഗണിക്കുമെന്ന് കോടതി വ്യക്തമാക്കി. അതായത് ക്രൈംബ്രാഞ്ച് അന്വേഷണത്തിന് പച്ചക്കൊടിയാണ് കോടതി നല്‍കിയിരിക്കുന്നത്. കേസ് നീട്ടിക്കൊണ്ട് പോകാനാണ് പി എസ് സിയുടെ ശ്രമമെന്നാണ് വിലയിരുത്തല്‍. ക്രൈംബ്രാഞ്ചിൻ്റെ ചോദ്യം ചെയ്യലിനോട് സഹകരിക്കേണ്ടതില്ലെന്നാണ് പി എസ് സി നിലപാട്.58 മാർക്കിൻ്റെ പത്ത് ചോദ്യങ്ങള്‍ ബോധപൂ‍ർവ്വം മുല്യനിർണ്ണയം നടത്തിയില്ലെന്ന് ക്രൈംബ്രാഞ്ച് ഹൈക്കോടതിയില്‍ കൊടുത്ത റിപ്പോർട്ടില് പറയുന്നു. ഇതിനിടെ പുനർമുല്യനിർണ്ണയത്തില്‍ റാങ്ക് പട്ടിക മാറി മറിഞ്ഞു. പരാതിക്കാരനായ ശ്യം കൃഷ്ണൻ ഒന്നാം റാങ്കുകാരനായി. പുതിയ റാങ്ക് പട്ടികയുടെ അടിസ്ഥാനത്തില്‍ വേഗം അഡ്വൈസ് മെമ്മോയും പി എസ് സി നല്‍കി.
പിഎസ്സി പരീക്ഷാ ക്രമക്കേട്, ഹൈക്കോടതിയുടെ നിര്‍ണായക നീക്കം, സര്‍ക്കാരിന് നടപടികളുമായി മുന്നോട്ട് പോകാം, ഹര്‍ജിയില്‍ സ്റ്റേ അനുവദിച്ചിട്ടില്ലെന്നും ഹൈക്കോടതി
