മഹാരാഷ്ട്രയിലെ മതപരിവർത്തന വിരുദ്ധ നിയമത്തെ ചോദ്യം ചെയ്ത് സമഗ്രമായ പുതിയ ഹർജി നൽകാൻ ഹർജിക്കാരനോട് നിർദേശിച്ച് ബോംബെ ഹൈക്കോടതി

നിയമത്തിലെ ചോദ്യം ചെയ്യപ്പെടുന്ന വ്യവസ്ഥകൾ അവ്യക്തവും അമിതമായ വ്യാപ്തിയുള്ളതും ആനുപാതികമല്ലാത്ത നിയന്ത്രണങ്ങൾ ഏർപ്പെടുത്തുന്നതുമാണെന്ന് ഹർജിയിൽ പറയുന്നു. മനഃസാക്ഷിയുടെ സ്വാതന്ത്ര്യം, മതം തിരഞ്ഞെടുക്കാനുള്ള അവകാശം, അഭിപ്രായപ്രകടന സ്വാതന്ത്ര്യം, സംഘടനാ സ്വാതന്ത്ര്യം, സ്വകാര്യത, വ്യക്തിസ്വാതന്ത്ര്യം എന്നിവയ്ക്കുമേൽ അനാവശ്യ നിയന്ത്രണങ്ങൾ ഏർപ്പെടുത്തുന്നതാണ് ഈ വ്യവസ്ഥകളെന്നും ഹർജിക്കാരൻ ആരോപിച്ചു.നിയമത്തിലെ 2(എ), 3, 6, 7, 9 എന്നീ വകുപ്പുകളെയാണ് ഹർജിയിൽ പ്രത്യേകമായി ചോദ്യം ചെയ്തത്. സമത്വത്തിനുള്ള അവകാശം, അഭിപ്രായപ്രകടന സ്വാതന്ത്ര്യം, സംഘടനാ സ്വാതന്ത്ര്യം, ജീവിക്കാനും വ്യക്തിസ്വാതന്ത്ര്യത്തിനുമുള്ള അവകാശം, മതസ്വാതന്ത്ര്യം, മതകാര്യങ്ങൾ കൈകാര്യം ചെയ്യാനുള്ള അവകാശം, ന്യൂനപക്ഷ താൽപര്യങ്ങളുടെ സംരക്ഷണം എന്നിവയുമായി ബന്ധപ്പെട്ട ഭരണഘടനാ ഉറപ്പുകൾ ഈ വ്യവസ്ഥകൾ ലംഘിക്കുന്നുവെന്നാണ് ഹർജിയിലെ ആരോപണം.