കൊച്ചി: പൊലീസിന് നേരെ ബോംബെറിഞ്ഞ കേസിൽ ശിക്ഷിക്കപ്പെട്ട പയ്യന്നൂരിലെ സിപിഎം കൗൺസിലർ വി.കെ നിഷാദിന് പരോൾ അനുവദിച്ച് ഹൈക്കോടതി. ഏഴു ദിവസത്തേക്കാണ് നിലവിൽ പരോൾ അനുവദിച്ചത്. അച്ഛന്റെ അസുഖം പറഞ്ഞാണ് പരോളിനായി നിഷാദ് ഹൈക്കോടതിയെ സമീപിച്ചത്. മൂന്നാഴ്ചയ്ക്ക് ഇടയിലെ രണ്ടാമത്തെ പരോളാണിത്.പയ്യന്നൂരിൽ പൊലീസിന് നേരെ സ്റ്റീൽ ബോംബെറിഞ്ഞ കേസിൽ 20 വർഷം തടവിന് ശിക്ഷിക്കപ്പെട്ട പ്രതിയാണ് വി.കെ നിഷാദ്. കഴിഞ്ഞമാസം 26ന് കണ്ണൂർ സെൻട്രൽ ജയിൽ സൂപ്രണ്ട് നിഷാദിന് ആറ് ദിവസത്തെ പരോൾ അനുവദിച്ചിരുന്നു. ശിക്ഷാവിധി വന്ന് ഒരു മാസത്തിനിടെ പരോൾ അനുവദിച്ചത് വലിയ വിവാദങ്ങൾക്ക് വഴിവച്ചിരുന്നു. ഈ പരോൾ കാലാവധി അവസാനിച്ചതോടെ ജയിൽ ഡിജിപി തന്നെ പരോൾ വീണ്ടും അനുവദിച്ചിരുന്നു.ഇക്കഴിഞ്ഞ തദ്ദേശ തെരഞ്ഞെടുപ്പിൽ നിഷാദ് പയ്യന്നൂർ മുനിസിപ്പാലിറ്റി മൊട്ടമ്മൽ വാർഡിൽ നിന്ന് സിപിഎം സ്ഥാനാർഥിയായി മത്സരിച്ച് വിജയിച്ചിരുന്നു. എന്നാൽ സത്യപ്രതിജ്ഞ ചെയ്ത് കൗൺസിലറായി അധികാരമേൽക്കാൻ കഴിഞ്ഞിട്ടില്ല. തുടർന്നാണ് പിതാവിന്റെ അസുഖം ചൂണ്ടിക്കാട്ടി ആറ് ദിവസത്തെ പരോളിന് അനുമതി തേടിയത്.
Related Posts
താല്ക്കാലിക ജീവനക്കാരെ സ്ഥിരപ്പെടുത്താനുള്ള നീക്കം തടഞ്ഞ് ഹൈക്കോടതി; സര്ക്കാരിന് തിരിച്ചടി
- law-point
- February 20, 2026
- 0
നിയമസഭാ തിരഞ്ഞെടുപ്പ് ആസന്നമായിരിക്കെ നൂറുകണക്കിനു താല്ക്കാലിക ജീവനക്കാരെ സ്ഥിരപ്പെടുത്താനുള്ള ചീഫ് സെക്രട്ടറിയുടെ ഉത്തരവ് […]
എസ്. ശ്രീജിത്തിന്റെ വിദേശയാത്ര വിവാദം: ഹര്ജി ഇന്ന് ഹൈക്കോടതിയില്
- law-point
- August 31, 2026
- 0
എഡിജിപി എസ്. ശ്രീജിത്തിന്റെ വിവാദ വിദേശയാത്രയുമായി ബന്ധപ്പെട്ട ഹർജി കേരള ഹൈക്കോടതി ഇന്ന് […]
കണ്ടല സര്വീസ് സഹകരണ ബാങ്ക് അഴിമതി കേസ്: മുൻ പ്രസിഡന്റ് എന് ഭാസുരാംഗന് തിരിച്ചടി; മുന്കൂര് ജാമ്യാപേക്ഷ ഹൈക്കോടതി തള്ളി
- law-point
- February 19, 2026
- 0
കണ്ടല സര്വീസ് സഹകരണ ബാങ്ക് അഴിമതി കേസില് മുന് പ്രസിഡന്റ് എന് ഭാസുരാംഗന് […]
