കൊച്ചി: വീട്ടില് നിന്ന് വന്തോതില് വിദേശമദ്യവും ഇന്ത്യന് നിര്മ്മിത മദ്യവും പിടികൂടിയ കേസില് റിപ്പോര്ട്ടര് ടിവി എം.ഡി ആന്റോ അഗസ്റ്റിന് ഹൈക്കോടതിയിലും തിരിച്ചടി. ജാമ്യാപേക്ഷ ഹൈക്കോടതി തള്ളി. ബത്തേരി ജുഡീഷ്യല് ഒന്നാം ക്ലാസ് മജിസ്ട്രറ്റ് കോടതി ഇന്ന് രാവിലെ ജാമ്യാപേക്ഷ തള്ളിയതിന് പിന്നാലെയാണ് ആന്റോ ഹൈക്കോടതിയെ സമീപിച്ചത്. കൊച്ചിയിലെ റിപ്പോര്ട്ടര് ടിവി ആസ്ഥാനത്തെത്തിയാണ് വയനാട്ടില് നിന്നുള്ള എക്സൈസ് സംഘം ആന്റോ അഗസ്റ്റിനെ അറസ്റ്റ് ചെയ്തത്. അബ്കാരി ആക്ട് പ്രകാരം ജാമ്യമില്ലാ വകുപ്പുകളാണ് ഇയാള്ക്കെതിരെ ചുമത്തിയത്. ആന്റോയുടെ വീടിന്റെ ഒന്നാം നിലയിലെ മുറിയില് നിന്ന് 138 കുപ്പി മദ്യം എക്സൈസ് പിടിച്ചെടുത്തിരുന്നു. വന്തോതില് ശേഖരിച്ച് വെച്ച മദ്യം വില്പ്പനക്കായി സൂക്ഷിച്ചതാണെന്നാണ് എഫ് ഐ ആറിലെ പ്രാഥമിക നിഗമനം. എക്സൈസ് ഉദ്യോഗസ്ഥര് ആന്റോയെ അഞ്ചു മണിക്കൂറോളം വിശദമായി ചോദ്യം ചെയ്ത ശേഷമായിരുന്നു അറസ്റ്റ്
ആന്റോ അഗസ്റ്റിന് ഹൈക്കോടതിയിലും തിരിച്ചടി; ജാമ്യാപേക്ഷ ഹൈക്കോടതി തള്ളി
