സിബിഎസ്ഇ പുനർമൂല്യനിർണ്ണയ പോർട്ടൽ വീണ്ടും തുറക്കണമെന്ന ആവശ്യം ഡൽഹി ഹൈക്കോടതി തള്ളി

സിബിഎസ്ഇയുടെ ഓൺ-സ്ക്രീൻ മാർക്കിംഗ് (OSM) സംവിധാനവുമായി ബന്ധപ്പെട്ട വിവാദത്തിൽ അടിയന്തര ഇടപെടലിനുള്ള ആവശ്യം ഡൽഹി ഹൈക്കോടതി നിരസിച്ചു. പന്ത്രണ്ടാം ക്ലാസ് വിദ്യാർത്ഥികൾക്കായി വെരിഫിക്കേഷൻ, പുനർമൂല്യനിർണ്ണയ പോർട്ടൽ വീണ്ടും തുറക്കണമെന്ന നിർദ്ദേശവും കോടതി അംഗീകരിച്ചില്ല.OSM സംവിധാനത്തിൽ ‘വ്യാപകമായ ക്രമക്കേടുകളും പിഴവുകളും’ ഉണ്ടെന്നാരോപിച്ച് നാഷണൽ സ്റ്റുഡന്റ്സ് യൂണിയൻ ഓഫ് ഇന്ത്യ (NSUI) സമർപ്പിച്ച പൊതുതാൽപര്യ ഹർജി പരിഗണിക്കുകയായിരുന്നു കോടതി. പോർട്ടൽ വീണ്ടും തുറക്കുന്നത് മൂല്യനിർണ്ണയ നടപടികൾ മുഴുവൻ വൈകിപ്പിക്കുമെന്നും, അന്തിമ ഫലങ്ങൾക്കും കോളേജ് പ്രവേശനത്തിനും കാത്തിരിക്കുന്ന 17 ലക്ഷത്തിലധികം വിദ്യാർത്ഥികളെ ബാധിക്കുമെന്നും ജസ്റ്റിസുമാരായ നീന ബൻസാൽ കൃഷ്ണ, മധു ജെയിൻ എന്നിവരടങ്ങിയ അവധിക്കാല ബെഞ്ച് നിരീക്ഷിച്ചതായി ലൈവ് ലോ റിപ്പോർട്ട് ചെയ്തു.വ്യക്തികൾ വരട്ടെ. അവർ അത് പരിഗണിക്കും,” ഹൈക്കോടതി വ്യക്തമാക്കി. അപേക്ഷ അംഗീകരിച്ചാൽ വിദ്യാർത്ഥികളുടെ അന്തിമ ഫലപ്രഖ്യാപനം വൈകാൻ സാധ്യതയുണ്ടെന്നും കോടതി കൂട്ടിച്ചേർത്തു.കേന്ദ്ര സർക്കാരിനും സിബിഎസ്ഇക്കും വേണ്ടി ഹാജരായ സോളിസിറ്റർ ജനറൽ തുഷാർ മേത്ത ഹർജിയെ എതിർത്ത് വാദിച്ചു. ഏതൊരു നീട്ടിവെക്കലും പന്ത്രണ്ടാം ക്ലാസ് പരീക്ഷ എഴുതിയ 17.8 ലക്ഷം വിദ്യാർത്ഥികളുടെ അക്കാദമിക് ഭാവിയെ ബാധിക്കുമെന്നായിരുന്നു അദ്ദേഹത്തിന്റെ വാദം.17.80 ലക്ഷം വിദ്യാർത്ഥികൾ പരീക്ഷ എഴുതിയതായും, സിബിഎസ്ഇക്ക് 98.66 ലക്ഷം ഉത്തരക്കടലാസുകൾ ലഭിച്ചതായും സോളിസിറ്റർ ജനറൽ തുഷാർ മേത്ത ഹൈക്കോടതിയെ അറിയിച്ചു. ജൂൺ 2 മുതൽ ജൂൺ 7 വരെ പോർട്ടൽ തുറന്നതിനുശേഷം, നാല് ലക്ഷത്തിലധികം വിദ്യാർത്ഥികൾ ഇതിനകം തന്നെ ഉത്തരക്കടലാസുകളുടെ സ്കാൻ ചെയ്ത പകർപ്പുകൾക്കായി അപേക്ഷിച്ചതായും, 1.67 ലക്ഷം വിദ്യാർത്ഥികൾ പുനർമൂല്യനിർണ്ണയം ആവശ്യപ്പെട്ടതായും അദ്ദേഹം വ്യക്തമാക്കി.കേന്ദ്രത്തിന്റെ കണക്കുകൾ പ്രകാരം, നിലവിൽ 3.8 ലക്ഷത്തിലധികം ഉത്തരക്കടലാസുകൾ പുനർമൂല്യനിർണ്ണയ പ്രക്രിയയ്ക്ക് വിധേയമായിക്കൊണ്ടിരിക്കുകയാണ്.ഹർജിയിൽ ആവശ്യപ്പെട്ടിരിക്കുന്നത് ഒരു ആഴ്ചത്തെ കാലാവധി മാത്രമാണെങ്കിലും, പ്രക്രിയ വീണ്ടും തുറക്കുന്നത് നിരവധി തുടർനടപടികൾക്ക് വഴിവയ്ക്കുമെന്നും, ഇതോടെ മുഴുവൻ സമയക്രമവും ഏകദേശം ഒരു മാസം വൈകാൻ സാധ്യതയുണ്ടെന്നും ഹൈക്കോടതി ചൂണ്ടിക്കാട്ടി.“നിങ്ങൾക്ക് ഇത് ഒരു ആഴ്ചയാണ്. എന്നാൽ മുഴുവൻ പ്രക്രിയയും ഒരു മാസം വൈകും,” എന്ന് ബെഞ്ച് നിരീക്ഷിച്ചു.ഇതിനിടെ, മങ്ങിയ സ്കാനുകൾ, നഷ്ടപ്പെട്ട പേജുകൾ, അപൂർണ്ണമായ അപ്‌ലോഡുകൾ, ഉത്തരക്കടലാസ് പൊരുത്തക്കേടുകൾ, കൂടാതെ ഓൺ-സ്ക്രീൻ മാർക്കിംഗ് (OSM) സംവിധാനത്തിൽ അപ്രതീക്ഷിതമായി കുറഞ്ഞ മാർക്കുകൾ തുടങ്ങിയ പ്രശ്നങ്ങൾ വിദ്യാർത്ഥികൾ നേരിടുന്നതായി എൻഎസ്‌യുഐ ഹർജിയിൽ ആരോപിച്ചിരുന്നു. നിലവിലുള്ള പരാതി പരിഹാര സംവിധാനം അപര്യാപ്തമാണെന്നും, തർക്കമുള്ള കേസുകളിൽ മാനുവൽ വെരിഫിക്കേഷൻ വേണമെന്നുമാണ് ഹർജിയിലെ പ്രധാന ആവശ്യംഈ വർഷം 12-ാം ക്ലാസ് പരീക്ഷകളുടെ മൂല്യനിർണയത്തിനിടെ ഉത്തരക്കടലാസുകളിലെ പൊരുത്തക്കേടുകളും സാങ്കേതിക തകരാറുകളും റിപ്പോർട്ട് ചെയ്തതിനെ തുടർന്ന്, ബോർഡ് പുതുതായി അവതരിപ്പിച്ച ഓൺ-സ്ക്രീൻ മാർക്കിംഗ് (OSM) സംവിധാനം പരിശോധിച്ചപ്പോഴാണ് വിവാദം ഉയർന്നത്.12-ാം ക്ലാസ് ഫലങ്ങൾ പ്രഖ്യാപിച്ചതിന് പിന്നാലെ, ചില വിദ്യാർത്ഥികൾ തങ്ങളുടെ പേരിൽ അപ്‌ലോഡ് ചെയ്തിരിക്കുന്ന ഉത്തരക്കടലാസുകൾ തങ്ങളുടേതല്ലെന്ന് കണ്ടെത്തിയതോടെ ആശങ്ക ശക്തമായി. ഈ വർഷം OSM സംവിധാനം നടപ്പാക്കിയതിന് ശേഷം, വിദ്യാർത്ഥികൾക്ക് മറ്റുള്ളവരുടെ ഉത്തരക്കടലാസുകൾ കാണിച്ച ഏകദേശം 20 കേസുകൾ കണ്ടെത്തിയതായി സർക്കാർ വൃത്തങ്ങൾ വാർത്താ ഏജൻസിയായ പിടിഐയോട് അറിയിച്ചു.