ടെലഗ്രാം നിരോധനം ശരിവെച്ച് ദില്ലി ഹൈക്കോടതി. നിരോധനത്തിനെതിരെ ടെലഗ്രാം നല്കിയ ഹർജി തള്ളി. നിരോധനം 22വരെ തുടരും.കേന്ദ്രത്തിൻ്റെ തീരുമാനം നടപടിക്രമങ്ങള് പാലിച്ചാണെന്ന് കോടതി ചൂണ്ടിക്കാട്ടി. താല്ക്കാലിക നിരോധനത്തിന് കേന്ദ്രം ഉന്നയിച്ച വാദങ്ങള് കോടതി അംഗീകരിച്ചു.നീറ്റ് പുനഃപരീക്ഷയ്ക്ക് മുന്നോടിയായി ചോദ്യപേപ്പർ ചോർന്നുവെന്ന വ്യാജ പ്രചാരണങ്ങള്ക്കും വലിയ സാമ്പത്തിക തട്ടിപ്പുകള്ക്കും ടെലഗ്രാം ആപ്പ് വ്യാപകമായി ഉപയോഗിച്ചതാണ് താല്ക്കാലിക നിരോധനത്തിലേക്ക് നയിച്ചത്. കേട്ടു കേള്വി ഇല്ലാത്ത നടപടിയാണ് സർക്കാരിൻ്റേതെന്ന് ടെലഗ്രാം കോടതിയില് വാദിച്ചു. എന്നാല് വ്യക്തമായ തെളിവുകളുടെ അടിസ്ഥാനത്തിലാണ് നിരോധനം എന്നായിരുന്നു കേന്ദ്രത്തിൻ്റെ മറുപടി.നിരോധന നടപടി ഏകപക്ഷീയമാണെന്നും കമ്പനിയെ കേള്ക്കാതെയാണ് നിരോധനം എന്നുമാണ് ടെലഗ്രാം ഹർജിയില് വാദിക്കുന്നത്. ജൂണ് 22 വരെയാണ് നിരോധനം ഏർപ്പെടുത്തിയിരിക്കുന്നത്. നിരോധനത്തെ പരിഹസിച്ച് കമ്പനി സ്ഥാപകൻ പവല് ഡുറോവ് രംഗത്ത് എത്തിയിരുന്നു. അടിസ്ഥാന പ്രശ്നമാണ് പരിഹരിക്കേണ്ടതെന്നും ദശലക്ഷക്കണക്കിന് സാധാരണ ഉപയോക്താക്കളെ ഇത് ബാധിക്കുമെന്നും ഡുറോവ് പ്രതികരിച്ചു. നിരോധനത്തിന്റെ ഭാഗമായി പ്ലേ സ്റ്റോറില് നിന്ന് ആപ്പ് ഗൂഗിള് നീക്കി. ഇതിനിടെ പുനപരീക്ഷയ്ക്കായുള്ള നടപടികള് വേഗത്തിലാക്കുകയാണ് എൻടിഎ.
ടെലഗ്രാം നിരോധനം ശരിവെച്ചു; കേന്ദ്രത്തിൻ്റെ തീരുമാനം നടപടിക്രമങ്ങള് പാലിച്ചെന്ന് ദില്ലി ഹൈക്കോടതി
