തിഹാർ ജയിലില്‍ നിന്ന് മോചിതരായതിന് പിന്നാലെ കോക്രോച്ച്‌ ജനതാ പാർട്ടി നേതാക്കളായ സൗരവ് ദാസ്, അശുതോഷ് രാങ്ക എന്നിവർക്കും മറ്റൊരു നേതാവായ അജിങ്ക്യ ഷിൻഡെയ്ക്കും ഡല്‍ഹി ക്രൈം ബ്രാഞ്ചിൻ്റെ സമൻസ്.ജന്തർമന്തർ പ്രക്ഷോഭവുമായി ബന്ധപ്പെട്ട് പൊലീസിൻ്റെ ബാരിക്കേഡ് മറികടന്ന് ജന്തർ മന്തറിലേക്ക് അതിക്രമിച്ചു കയറിയ കേസില്‍ ചോദ്യം ചെയ്യലിനായി ഹാജരാകാൻ ആവശ്യപ്പെട്ടാണ് ഡല്‍ഹി പോലീസ് ക്രൈംബ്രാഞ്ച് ഇവർക്ക് നോട്ടീസ് അയച്ചത്.ഇന്ന് 12 മണിക്ക് രാജ്‌ഗോരിയിലെ ക്രൈംബ്രാഞ്ച് ഓഫീസില്‍ നേരിട്ട് ഹാജരാകാനാണ് നിർദ്ദേശം. ഒക്ടോബർ 13-നാണ് ഈ കേസ് ക്രൈം ബ്രാഞ്ച് ഏറ്റെടുത്തത്. ജനതാദള്‍ യുണൈറ്റഡാണ് കേസിലെ പരാതിക്കാർ. പ്രതിഷേധം നടന്ന സ്ഥലം ഇവരുടെ ഓഫീസിന് അടുത്താണ്.
ജന്തർ മന്തറില്‍ പ്രതിഷേധിക്കില്ലെന്ന് എഴുതി നല്‍കിയതിൻ്റെയും അരലക്ഷം രൂപയുടെ ബോണ്ടിൻ്റെയും അടിസ്ഥാനത്തിലാണ് ഇന്നലെ സൗരവ് ദാസിനും അശുതോഷ് രാങ്കയ്ക്കും ദില്ലയിലെ പ്രത്യേക മജിസ്ട്രേറ്റ് കോടതി ജാമ്യം നല്‍കിയത്. തിഹാർ ജയിലില്‍ തടവിലായിരുന്ന ഇരുവരും രാത്രിയോടെയാണ് ജയില്‍ മോചിതരായത്. അന്വേഷണവുമായി സഹകരിക്കാൻ ഇരുവരോടും കോടതി ആവശ്യപ്പെട്ടിരുന്നു. തൊട്ടുപിന്നാലെയാണ് പൊലീസ് ഇവരടക്കം മൂന്ന് നേതാക്കള്‍ക്കും സമൻസ് അയച്ചത്.
