എറണാകുളം:മഹാത്മാഗാന്ധി സർവകലാശാല യൂണിയൻ സംഘടിപ്പിച്ച ദേശീയ കോൺഫറൻസിന് അനുവദിച്ച പണം തിരികെ നൽകാൻ നിർദേശിച്ച വൈസ് ചാൻസിലറുടെ ഉത്തരവ് സ്റ്റേ ചെയ്ത് ഹൈക്കോടതി. പാറ്റാ പോസ്റ്റർ വിവാദത്തെ തുടർന്നാണ് കോൺഫറൻസിന് അനുവദിച്ച പണം തിരികെ ആവശ്യപ്പെട്ടത്. സർവകലാശാല യൂണിയൻ നൽകിയ ഹർജിയിലാണ് കോടതി ഇടപെടൽ.കഴിഞ്ഞ കുറച്ച് ദിവസങ്ങളിലായി ദേശീയ സെമിനാര്‍ പോസ്റ്ററില്‍ പാറ്റയുടെ ചിത്രം ഉള്‍പ്പെടുത്തിയത് വലിയ രീതിയിൽ വിവാദമായിരുന്നു. തുടർന്ന് സെമിനാറിനായി അനുവദിച്ച തുക തിരിച്ചു നൽകാനാവശ്യപ്പെട്ട് സർവകലാശാല വിസി ഉത്തരവ് ഇറക്കുകയായിരുന്നു. ഇതിന് പിന്നാലെയാണ് യൂണിയൻ കോടതിയെ സമീപിച്ചത്. യൂണിയൻ്റെ ഹര്‍ജിയില്‍ ഹൈക്കോടതി വൈസ് ചാന്‍സലറോടും രജിസ്ട്രാറോടും സര്‍വകലാശാലയോടും വിശദീകരണം തേടുകയും ചെയ്‌തു.
എംജി സർവകലാശാല പാറ്റ പോസ്റ്റർ വിവാദം: പണം തിരിച്ചടയ്ക്കാൻ ആവശ്യപ്പെട്ട വിസിയുടെ ഉത്തരവ് സ്റ്റേ ചെയ്ത് ഹൈക്കോടതി
