ശബരിമല സ്വർണക്കൊള്ളകേസില് തന്ത്രി കണ്ഠര് രാജീവരുടെ ജാമ്യ ഹർജിയില് ഇന്ന് കൊല്ലം വിജിലൻസ് കോടതി വിധി പറയും.കട്ടിളപ്പാളി കേസിലും ദ്വാരപാലക ശില്പ കേസിലും സമർപ്പിച്ച ജാമ്യാപേക്ഷയിലാണ് വിധി. ജാമ്യ ഹർജിയിലെ വാദത്തിനിടെ തന്ത്രിയുടെയും ഭാര്യയുടെയും സ്വത്തുസമ്പാദനം സംബന്ധിച്ച നിർണായക തെളിവുകള് എസ്ഐടി ഹാജരാക്കിയിരുന്നു. ഇരുവരുടെയും പേരില് കണക്കില്പ്പെടാത്ത വൻ നിക്ഷേപം ഉണ്ടെന്നാണ് എസ്ഐടിയുടെ കണ്ടെത്തല്. പ്രതിയുടെ സാമ്പത്തിക സ്രോതസ്സ് ദുരൂഹമാണെന്നും വിശദമായ അന്വേഷണം വേണമെന്നുമാണ് പ്രോസിക്യൂഷൻ്റെ ആവശ്യം. എന്നാല് ആചാരപരമായ കാര്യങ്ങളില് മാത്രം ഇടപെട്ടയാളാണ് താനെന്നും സ്വർണക്കൊള്ളയില് പങ്കില്ലെന്നുമാണ് തന്ത്രിയുടെ വാദം.
കണ്ഠര് രാജീവരുടെ ജാമ്യ ഹര്ജിയില് ഇന്ന് വിധി പറയും
