നടൻമാരായ ദുല്ഖർ സല്മാന്റെയും പൃഥ്വിരാജിന്റെയും വീട്ടില് കസ്റ്റംസ് പരിശോധന. ഭൂട്ടാനില് നിന്നുള്ള വാഹനക്കടത്ത് പരാതിയിലാണ് പരിശോധന.ഓപ്പറേഷൻ നുംകൂറിന്റെ ഭാഗമായാണ് പരിശോധന നടത്തുന്നത്.റോയല് ഭൂട്ടാൻ ആർമി ഉപേക്ഷിച്ച 150 വാഹനങ്ങള് നിയമവിരുദ്ധമായി ഇന്ത്യയിലേക്ക് കടത്തി ഹിമാചല് പ്രദേശില് രജിസ്റ്റർ ചെയ്ത് നാലിരട്ടി വിലയ്ക്കു വിറ്റഴിച്ചെന്ന വാർത്ത നേരത്തെ പുറത്തുവന്നിരുന്നു. ഇന്റലിജൻസ് റിപ്പോർട്ടിന്റെ അടിസ്ഥാനത്തില് ഡയറക്ടറേറ്റ് ഓഫ് റവന്യു ഇന്റലിജൻസും (ഡിആർഐ) കസ്റ്റംസുമാണ് കേസ് അന്വേഷിക്കുന്നത്.ലാൻഡ് ക്രൂസർ, ലാൻഡ് റോവർ, ടാറ്റ എസ്യുവികള്, മഹീന്ദ്ര-ടാറ്റ ട്രക്കുകള് എന്നിവയും കടത്തിക്കൊണ്ടുവന്ന വാഹനങ്ങളില് ഉള്പ്പെടുന്നു. ഹിമാചല് പ്രദേശിലെ ‘എച്ച്പി-52’ റജിസ്ട്രേഷൻ നമ്ബറിലാണ് കൂടുതല് വാഹനങ്ങളും രജിസ്റ്റർ ചെയ്തിട്ടുള്ളത്.അവിടത്തെ രജിസ്ട്രേഷൻ അതോറിറ്റിയുടെ നിരാക്ഷേപപത്രം (എൻഒസി) ഉള്പ്പെടെയാണ് കേരളത്തില് കാറുകള് വിറ്റതും.
ദുല്ഖര് സല്മാന്റെയും പൃഥ്വിരാജിന്റെയും വീട്ടില് കസ്റ്റംസ് പരിശോധന
