നടിയെ ആക്രമിച്ച കേസില് നടൻ ദീലിപിനെ വെറുതെവിട്ട വിധിക്കെതിരെ അപ്പീല് നല്കാൻ സർക്കാർ അനുമതി. ഡിജിപിയുടെയും സ്പെഷ്യല് പ്രോസിക്യൂട്ടറുടെയും ശിപാർശ സർക്കാർ അംഗീകരിച്ചു.ക്രിസ്മസ് അവധിക്ക് ശേഷം ഹൈക്കോടതിയില് അപ്പില് നല്കും. ഡിജിറ്റല് തെളിവുകള് വിചാരണ കോടതി തള്ളിയത് നിസാര കാരണങ്ങള് ചൂണ്ടിക്കാട്ടിയാണെന്നാണ് പ്രോസിക്യൂഷൻ വാദം.ഡയറക്ടർ ജനറല് ഓഫ് പ്രോസിക്യൂട്ടറും സ്പെഷ്യല് പ്രോസിക്യൂട്ടറും നല്കിയ ശിപാർശ സാങ്കേതികമായി സർക്കാർ അംഗീകരിച്ചിരിക്കുകയാണ്. ഇതില് നേരത്തെ തന്നെ അപ്പീല് പോകുമെന്ന് സർക്കാർ അറിയിച്ചിരുന്നു. ഏകദേശം 1500 ഓളം പേജുകള് വരുന്ന വിധിപ്പകർപ്പാണ് കോടതി പുറത്തിറക്കിയിരുന്നത്. ഇത് പൂർണമായും വായിച്ചു പഠിച്ചതിന് ശേഷമാണ് അപ്പീല് നല്കാനുള്ള തീരുമാനത്തിലേക്ക് കടന്നിരിക്കുന്നത്.പ്രധാനപ്പെട്ട ഡിജിറ്റല് തെളിവുകള് പരിഗണിക്കാതെ നിസാരമായി തള്ളിക്കളയുകയായിരുന്നു എന്ന വാദമാണ് പ്രധാനമായും ഉന്നയിക്കുന്നത്. നടിയെ ആക്രമിച്ച ദൃശ്യങ്ങള് പള്സർ സുനി ദിലീപിന്റെ വീട്ടിലെത്തിച്ചു എന്നതായിരുന്നു സംവിധായകൻ ബാലൻചന്ദ്ര കുമാറിന്റെ വെളിപ്പെടുത്തല്. അത് തെളിയിക്കുന്ന ഡിജിറ്റല് തെളിവുകളും ഉണ്ടായിരുന്നു എന്നതായിരുന്നു പ്രോസിക്യൂഷന്റെ വാദം. ദിലീപിന്റെ അനൂപിന്റെ ഫോണില് നിന്ന് ഈ ദൃശ്യങ്ങളുടെ വിവരങ്ങള് ഉള്പ്പെടെയുള്ള തെളിവുകളും അന്വേഷണ ഉദ്യോഗസ്ഥർ പിടിച്ചെടുത്തിരുന്നു. ഇത് വിചാരണ കോടതി വേണ്ട വിധത്തില് പരിഗണിച്ചിട്ടില്ല എന്ന കാര്യമാണ് ചൂണ്ടിക്കാട്ടുന്നത്.
നടിയെ ആക്രമിച്ച കേസ്; അപ്പീല് നല്കാൻ സര്ക്കാര് അനുമതി
