സിപിഎം സംസ്ഥാന സെക്രട്ടറി എം വി ഗോവിന്ദനെതിരെ കെ സുധാകരൻ എംപി നല്കിയ മാനനഷ്ട കേസ് കോടതി തള്ളി. പരാതിക്കാരൻ തുടർച്ചയായി കോടതിയില് ഹാജരാകാതെ വന്നതോടെയാണ് എറണാകുളം സിജെഎം കോടതി കേസിന്ന് തള്ളിയത്.ഹൈക്കോടതിയില് അപ്പീല് നല്കുമെന്ന് സുധാകരന്റെ അഭിഭാഷകൻ അറിയിച്ചു.പുരാവസ്തു തട്ടിപ്പുകാരൻ മോൻസൻ മാവുങ്കല് പ്രായപൂർത്തിയാകാത്ത പെണ്കുട്ടിയെ പീഡിപ്പിക്കുമ്പോള് ആ വീട്ടില് സുധാകരനും ഉണ്ടെന്നായിരുന്നു 2023 ജൂണ് മാസത്തിലെ ദേശാഭിമാനി വാർത്ത ഉദ്ധരിച്ചുള്ള എം വി ഗോവിന്ദന്റെ ആരോപണം. ഈ ആരോപണം അടിസ്ഥാനരഹിതമെന്ന് പറഞ്ഞാണ് സുധാകരൻ എംപിമാരുടെയും എംഎല്എമാരുടെയും കേസുകള് പരിഗണിക്കുന്ന കൊച്ചിയിലെ പ്രത്യേക കോടതിയില് മാനനഷ്ടക്കേസ് ഫയല് ചെയ്തത്. എം വി ഗോവിന്ദന് പുറമേ ഇതേ ആരോപണം ആവർത്തിച്ച അന്നത്തെ കണ്ണൂർ ജില്ലാ പഞ്ചായത്ത് പ്രസിഡൻറ് പി പി ദിവ്യയ്ക്കും ദേശാഭിമാനി ദിനപത്രത്തിനും എതിരെ സുധാകരൻ കേസു കൊടുത്തു.
എംവി ഗോവിന്ദനെതിരെ കെ സുധാകരൻ നല്കിയ മാനനഷ്ടകേസ് തള്ളി കോടതി
