ആലപ്പുഴ ഷാൻ കൊലക്കേസില് നാല് ആർഎസ്എസ് പ്രവർത്തകർക്ക് ജാമ്യം നല്കി സുപ്രീംകോടതി. ജാമ്യം നിഷേധിച്ച ഹൈക്കോടതി ഉത്തരവ് റദ്ദാക്കിയാണ് സുപ്രീംകോടതി പ്രതികള്ക്ക് ജാമ്യം അനുവദിച്ചത്.അഭിമന്യു, അതുല്, സനന്ദ്, വിഷ്ണു എന്നിവർക്കാണ് ജാമ്യം ലഭിച്ചത്. നേരത്തെ, കേസുമായി ബന്ധപ്പെട്ട് ഒൻപത് പ്രതികള്ക്ക് സെഷൻസ് കോടതി ജാമ്യം നല്കിയിരുന്നു.എന്നാല് ഇതില് കുറ്റകൃത്യത്തില് നേരിട്ട് പങ്കുള്ള നാലുപേരുടെ ജാമ്യം ഹൈക്കോടതി റദ്ദാക്കി. ഇതിനെ ചോദ്യം ചെയ്താണ് നാലുപ്രതികളും സുപ്രീംകോടതിയെ സമീപിച്ചത്. ഇവര്ക്ക് ജാമ്യം അനുവദിക്കരുതെന്ന് ആവശ്യപ്പെട്ട് സംസ്ഥാന സര്ക്കാരാണ് സുപ്രീംകോടതിയില് സത്യവാഗ്മൂലം ഫയല് ചെയ്തത്.സാക്ഷികളുടെ സുരക്ഷഉറപ്പാക്കണം എന്ന കർശന നിർദേശം സംസ്ഥാന പോലീസിന് നല്കിക്കൊണ്ടാണ് സുപ്രീംകോടതി ജാമ്യം അനുവദിച്ചത്.ആലപ്പുഴയിലെ മണ്ണഞ്ചേരിയില് 2021 ഡിസംബര് 18ന് വൈകിട്ടാണ് എസ്ഡിപിഐ നേതാവായിരുന്ന കെ.എസ്. ഷാന് കൊല്ലപ്പെട്ടത്. പിറ്റേന്ന് രാവിലെ ബിജെപി നേതാവായ രണ്ജീത് ശ്രീനിവാസന് ആലപ്പുഴയിലെ വീട്ടിലും കൊല്ലപ്പെട്ടു.ഇതിലെ 15 പ്രതികള്ക്ക് വിചാരണ കോടതി വധശിക്ഷ വിധിച്ചിരുന്നു. ആലപ്പുഴയിലും പാലക്കാടും ആണ് കേരളത്തത്തില് അവസാനമായി വര്ഗീയ കൊലപാതകകങ്ങള് നടന്നതെന്നും സംസ്ഥാന സര്ക്കാരിന് വേണ്ടി സ്റ്റാന്ഡിംഗ് കോണ്സല് ഹര്ഷദ് വി. ഹമീദ് ഫയല് ചെയ്ത സത്യവാഗ്മൂലത്തില് ചൂണ്ടിക്കാട്ടിയിട്ടുണ്ട്.
ഷാൻ വധക്കേസ്; നാല് ആര്എസ്എസ് പ്രവര്ത്തകര്ക്ക് ജാമ്യം നല്കി സുപ്രീംകോടതി
