ബലാത്സംഗക്കേസില് രാഹുല് മാങ്കൂട്ടത്തില് എംഎല്എയുടെ മുൻകൂർ ജാമ്യാപേക്ഷ കോടതി നാളെ വീണ്ടും പരിഗണിക്കും.നീണ്ട വാദപ്രതിവാദങ്ങള്ക്ക് ശേഷം തുടർവാദത്തിനായി നാളേക്ക് മാറ്റുകയായിരുന്നു. എന്നാല് കോടതി രാഹുലിൻ്റെ അറസ്റ്റ് തടഞ്ഞില്ല. സെഷൻസ് കോടതിയിലെ അടച്ചിട്ട കോടതി മുറിയിലായിരുന്നു ജാമ്യാപേക്ഷയിലെ വാദം നടന്നത്. വാദപ്രതിവാദങ്ങള് കേട്ട കോടതി പ്രോസിക്യൂഷനോട് കൂടുതല് രേഖകള് ഹാജാരാക്കാൻ ആവശ്യപ്പെട്ടു. ഡിജിറ്റല് തെളിവുകള് ഉള്പ്പെടെ ഹാജരാക്കിയായിരുന്നു പ്രതിഭാഗത്തിൻ്റെ വാദം. മറ്റു തെളിവുകള് ഹാജരാക്കി പ്രോസിക്യൂഷനും വാദിച്ചു. നിലവില് 7 ദിവസമായി രാഹുല് ഒളിവില് തുടരുകയാണ്. ജാമ്യാപേക്ഷയില് വിധി വരുന്നത് വരെ അറസ്റ്റ് ചെയ്യരുതെന്ന് പ്രതിഭാഗം വാദിച്ചെങ്കിലും ഇക്കാര്യത്തില് കോടതി തീർപ്പ് പറഞ്ഞില്ല. അറസ്റ്റിന് തടസ്സമില്ലെങ്കിലും ജാമ്യാപേക്ഷയില് നാളെയായിരിക്കും കോടതി വിധിവരിക.
പ്രോസിക്യൂഷനോട് കൂടുതല് രേഖകള് ആവശ്യപ്പെട്ട് കോടതി, മുൻകൂര് ജാമ്യാപേക്ഷ തുടര്വാദത്തിനായി നാളേക്ക് മാറ്റി
