നവ കേരളയാത്രയുമായി ബന്ധപ്പെട്ട പ്രതിഷേധത്തിനിടെ കോണ്‍ഗ്രസ് പ്രവർത്തകരെ ആക്രമിച്ചത് രക്ഷാപ്രവർത്തനമാണെന്ന് വിശേഷിപ്പിച്ച മുഖ്യമന്ത്രിക്കെതിരെ കലാപാഹ്വാനത്തിന് കേസെടുക്കണമെന്ന ഹർജിയില്‍ കോടതിയുടെ നിർണായക ഉത്തരവ്.ഗവർണറുടെ പ്രോസിക്യൂഷൻ അനുമതി ലഭിച്ചാല്‍ മുഖ്യമന്ത്രിക്കെതിരേ കേസെടുക്കാമെന്നാണ് എറണാകുളം ചീഫ് ജുഡീഷ്യല്‍ മജിസ്ട്രേട്ട് കോടതി ഉത്തരവിട്ടത്. എറണാകുളം ഡി സി സി പ്രസിഡൻ്റ് മുഹമ്മദ് ഷിയാസാണ് കോടതിയില്‍ ഹർജി നല്‍കിയത്. നവകേരള യാത്രയുമായി ബന്ധപ്പെട്ട് പ്രതിഷേധിച്ച കോണ്‍ഗ്രസ്, യൂത്ത് കോണ്‍ഗ്രസ് പ്രവർത്തകർ വ്യാപകമായി അക്രമിക്കപ്പെട്ടിരുന്നു. സി പി എം പ്രവർത്തകർ ചെടിച്ചട്ടി കൊണ്ട് തലയ്ക്കടിച്ചും മുഖ്യമന്ത്രിയുടെ ഗണ്‍മാൻമാരും പ്രവർത്തകരെ ക്രൂരമായി മർദ്ദിച്ചിരുന്നു. ഇതിനെയാണ് മുഖ്യമന്ത്രി രക്ഷാപ്രവർത്തനമെന്ന് വിശേഷിപ്പിച്ചത്. ഇതിനെതിരെയാണ് ഷിയാസ് ഹർജി നല്‍കിയത്.
നവകേരള യാത്ര ഗവര്‍ണറുടെ അനുമതി ലഭിച്ചാല്‍ മുഖ്യമന്ത്രിക്കെതിരെ കേസെടുക്കാമെന്ന് കോടതി
