ദേശീയ തൊഴിലുറപ്പ് പദ്ധതി ഭേദഗതിചെയ്യുന്ന ജി റാം ജി ബില്ല് ഇന്ന് ലോക്സഭയില് അവതരിപ്പിക്കും.കേന്ദ്ര കൃഷി മന്ത്രി ശിവരാജ് സിംഗ് ചൗഹാനാകും ബില്ല് അവതരിപ്പിക്കുക. തൊഴില് ദിനങ്ങള് 125 ആയി വർദ്ധിപ്പിക്കുകയും പദ്ധതിയില് 40 ശതമാനം സംസ്ഥാന വിഹിതം ഉള്പ്പെടുത്തുകയും ചെയ്യുന്ന ബില്ലിനെതിരെ പ്രതിപക്ഷം കടുത്ത പ്രതിഷേധം ഉയർത്തിയിട്ടുണ്ട്.ബില്ല് കഴിഞ്ഞദിവസം അധിക അജണ്ടയില് ഉള്പ്പെടുത്തിയിരുന്നെങ്കിലും എൻഡിഎ സഖ്യകക്ഷിയായ ടിഡിപിയുടെ ആശങ്കയെ തുടർന്നാണ് അവതരണം ഇന്നത്തേക്ക് മാറ്റിയത്.കൂടാതെ ഇൻഷുറൻസ് നിയമ ഭേദഗതി ബില്ല് ഇന്ന് ധനമന്ത്രി നിർമ്മല സീതാരാമൻ ലോക്സഭയില് അവതരിപ്പിക്കും. എസ്എസ്എ ഭേദഗതി ചെയ്തുള്ള വികസിത് ഭാരത് ശിക്ഷ അതിഷ്താൻ ബില്ല് ഇന്ന് വിദ്യാഭ്യാസ മന്ത്രി ധർമ്മേന്ദ്രപ്രധാൻ സംയുക്ത പാർലമെന്ററി സമിതിക്ക് വിടും.
ദേശീയ തൊഴിലുറപ്പ് പദ്ധതി ഭേദഗതി ബില്ല് ഇന്ന് ലോക്സഭയില്
