ജസ്റ്റിസ് സൗമെന് സെന് കേരള ഹൈക്കോടതി ചീഫ് ജസ്റ്റിസാകും. സുപ്രിംകോടതി കൊളീജിയം നല്കിയ ശുപാര്ശ അംഗീകരിച്ച് കേന്ദ്രസര്ക്കാര് ഉത്തരവിറക്കിയതോടെയാണ് സൗമെന് സെന് കേരളത്തില് എത്തുന്നത്.നിലവിലെ ചീഫ് ജസ്റ്റിസ് നിതിന് ജാംദാര് ജനുവരി ഒമ്ബതിന് വിരമിക്കുന്ന ഒഴിവിലേക്കാണ് സെന് എത്തുന്നത്. ജനുവരി 9 നാകും പുതിയ ചീഫ് ജസ്റ്റിസായി സെന് ചുമതലയേല്ക്കുക. കൊല്ക്കത്ത സ്വദേശിയായ ജസ്റ്റിസ് സൗമെന് സെന് 1991 ലാണ് അഭിഭാഷക ജോലിയിലേക്ക് പ്രവേശിച്ചത്. 2011 ഏപ്രില് 13 ന് കൊല്ക്കത്ത ഹൈക്കോടതി ജഡ്ജിയായി. ഇക്കഴിഞ്ഞ ആഗസ്റ്റിലാണ് മേഘാലയ ചീഫ് ജസ്റ്റിസ് ആയി നിയമിക്കപ്പെട്ടത്. 2027 ജൂലൈ 27 വരെ അദ്ദേഹം കേരള ഹൈക്കോടതിയില് തുടരും.സൗമെന് സെന്നിനെതിരേ കൊല്ക്കത്ത ഹൈക്കോടതി ജഡ്ജിയായിരുന്ന അഭിജിത് ഗംഗോപാധ്യയ നേരത്തെ രാഷ്ട്രീയ ആരോപണം ഉന്നയിച്ചിരുന്നു. തൃണമൂല് കോണ്ഗ്രസിന്റെ താല്പര്യം സംരക്ഷിക്കുന്നയാളാണ് സൗമെന് സെന് എന്നായിരുന്നു ആരോപണം. അഭിജിത് ഗംഗോപാധ്യയ പിന്നീട് ബിജെപിയില് ചേര്ന്നു.
ജസ്റ്റിസ് സൗമെന് സെന് കേരള ഹൈക്കോടതി ചീഫ്ജസ്റ്റിസാവും
