ശബരിമല സ്വര്ണക്കൊള്ള കേസില് തിരുവിതാംകൂര് ദേവസ്വം ബോര്ഡ് മുൻ കമ്മീഷണറും പ്രസിഡന്റുമായ എൻ വാസുവിന്റെ ജാമ്യ ഹര്ജിയില് നാളെ കൊല്ലം വിജിലന്സ് കോടതി വിധി പറയും.റിമാന്ഡ് കാലാവധി 90 ദിവസം പിന്നിട്ടതോടെയാണ് സ്വഭാവിക ജാമ്യം തേടി പ്രതി കൊല്ലം വിജിലന്സ് കോടതിയെ സമീപിച്ചത്. 90 ദിവസത്തിനുള്ളില് കുറ്റപത്രം സമര്പ്പിക്കാത്തതിനാല് സ്വഭാവിക ജാമ്യത്തിന് അര്ഹതയുണ്ടെന്ന് ചൂണ്ടികാട്ടിയാണ് ജാമ്യ ഹര്ജി നല്കിയത്. എസ്ഐടി കേസില് കുറ്റപത്രം സമര്പ്പിക്കാത്തതും പ്രതിഭാഗം ഇന്ന് കേസ് പരിഗണിച്ചപ്പോള് ചൂണ്ടിക്കാട്ടി. ഇന്ന് ജാമ്യം അനുവദിക്കണമെന്നും പ്രതിഭാദം കോടതിയില് വാദിച്ചു. തുടര്ന്ന് ഇക്കാര്യത്തില് വിവേചനം കാണിക്കാൻ പറ്റില്ലെന്നും നാളെ ജാമ്യഹര്ജിയില് വിധി പറയുമെന്നും കോടതി വ്യക്തമാക്കി. അതേസമയം, കേസില് ദേവസ്വം മുൻ പ്രസിഡന്റും സിപിഎം നേതാവുമായ എ പത്മകുമാറിനെ വീണ്ടും റിമാന്ഡ് ചെയ്തു. 14 ദിവസത്തേക്കാണ് കോടതി റിമാന്ഡ് ചെയ്തത്.
ശബരിമല സ്വര്ണക്കൊള്ള;എൻ വാസുവിന്റെ ജാമ്യഹര്ജിയില് നാളെ വിധി, പത്മകുമാര് വീണ്ടും റിമാന്ഡില്
