ശബരിമല സ്വർണക്കൊള്ളയുമായി ബന്ധപ്പെട്ട കട്ടിളപ്പാളി കേസില് പ്രതിയായ ദേവസ്വം മുൻ കമ്മീഷണറും പ്രസിഡന്റുമായിരുന്ന എൻ.വാസുവിന്റെ ജാമ്യാപേക്ഷയില് കൊല്ലം വിജിലൻസ് കോടതി ഇന്ന് വിധി പറയും. കേസില് മൂന്നാം പ്രതിയാണ് എൻ. വാസു. കോടതിയുടെ വിധി വാസുവിന്റെ തുടർ നടപടികള്ക്ക് നിർണായകമാകും.2019-ല് ദേവസ്വം കമ്മീഷണറായിരുന്ന എൻ. വാസുവിന്റെ ശുപാർശ പ്രകാരമാണ് കട്ടിളപ്പാളിയിലെ സ്വർണം ‘ചെമ്ബ്’ എന്ന് രേഖപ്പെടുത്തിയത് എന്നാണ് പ്രത്യേക അന്വേഷണ സംഘം (എസ്.ഐ.ടി.) കണ്ടെത്തിയിട്ടുള്ളത്.എന്നാല്, വാസു വിരമിച്ചതിനുശേഷമാണ് പാളികള് ഉണ്ണികൃഷ്ണൻ പോറ്റിക്ക് കൈമാറിയതെന്ന് പ്രതിഭാഗം കോടതിയില് വാദിച്ചിരുന്നു. ബോർഡിന്റെ ഉത്തരവിറങ്ങിയപ്പോഴും വാസു ചുമതലയില് ഉണ്ടായിരുന്നില്ല. മുരാരി ബാബു നല്കിയ കത്ത് ഉചിതമായ തീരുമാനമെടുക്കുന്നതിന് ബോർഡിന് കൈമാറുക മാത്രമാണ് ചെയ്തത്. അതിനെ ശുപാർശയെന്ന് പറയാനാകില്ലെന്നാണ് എൻ.വാസുവിന്റെ വാദം. പ്രായവും ആരോഗ്യസ്ഥിതിയും പരിഗണിച്ചും ജാമ്യം അനുവദിക്കണമെന്ന് പ്രതിഭാഗം ആവശ്യപ്പെട്ടിരുന്നു.
ശബരിമല സ്വര്ണക്കൊള്ള കേസ്, എൻ വാസുവിന്റെ ജാമ്യാപേക്ഷയില് ഇന്ന് വിധി
