കൊച്ചി: താല്ക്കാലിക വൈസ് ചാന്സലര് നിയമനത്തില് ചാന്സലര് കൂടിയായ ഗവര്ണറെ നേരിടാനൊരുങ്ങി സര്ക്കാര്. കെടിയു, ഡിജിറ്റല് സര്വ്വകലാശാല വൈസ് ചാന്സലര് നിയമനത്തിനെതിരെ സുപ്രീംകോടതിയിൽ ഉപഹര്ജി നല്കും. താല്ക്കാലിക വി സി നിയമം റദ്ദാക്കണമെന്ന് സുപ്രീംകോടതിയില് ആവശ്യപ്പെടും. സര്വ്വകലാശാല നിയമം അനുസരിച്ച് നിയമനം നടത്തണമെന്നാണ് ആവശ്യം.സ്ഥിരം വിസി നിയമനത്തില് സംസ്ഥാന സര്ക്കാരും ചാന്സലറും സമവായത്തിലെത്തണം, സ്ഥിരം വിസിമാരെ നിയമിക്കുന്നതുവരെ നിലവിലെ വിസിമാര്ക്ക് തുടരാം, തുടങ്ങി സര്വകലാശാലകളില് രാഷ്ട്രീയം കലര്ത്തരുതെന്നും വിദ്യാര്ത്ഥികളെ പ്രതിസന്ധിയിലാക്കരുതെന്നും നിരീക്ഷിച്ചായിരുന്നു സുപ്രീംകോടതിയുടെ നടപടി. എന്നാല് ഇത് കണക്കിലെടുക്കാതെ ഗവര്ണര് വിസിമാരെ നിയമിക്കുകയായിരുന്നു.
താല്ക്കാലിക വി സി നിയമനം; സുപ്രീംകോടതിയിൽ ഉപഹര്ജി നല്കാന് സര്ക്കാര്
