യുവതിയെ ബലാത്സംഗം ചെയ്ത് നിര്ബന്ധിച്ച് ഗര്ഭഛിദ്രം നടത്തിച്ചെന്ന കേസില് രാഹുല് മാങ്കൂട്ടത്തില് എംഎല്എയുടെ അറസ്റ്റു തടഞ്ഞ നടപടി നീട്ടി.ഈ മാസം 21ാം തീയ്യതി വരെ അറസ്റ്റു ചെയ്യരുതെന്നാണ് കോടതിയുടെ നിര്ദേശം. കേസ് വീണ്ടും കോടതി ഈമാസം 21ന് പരിഗണിക്കും. അതേസമയം കേസില് പരാതിക്കാരിയെയും കക്ഷിചേര്ത്തു. പരാതിക്കാരിയെ കക്ഷിചേര്ക്കാന് കോടതി അനുവാദം നല്കി.മൂന്കൂര് ജാമ്യ ഹര്ജിയില് തീരുമാനമെടുക്കുന്നതിന് മുമ്ബ് തന്റെ ഭാഗം കൂടി കേള്ക്കണമെന്നാണ് പരാതിക്കാരിയുടെ ആവശ്യം. കേസില് പരാതിക്കാരിയായ തനിക്ക് നേരെ വലിയ സൈബറാക്രമണം നടക്കുകയാണെന്നും ഹര്ജിയില് ചൂണ്ടിക്കാട്ടിയിട്ടുണ്ട്. കേസുമായി ബന്ധപ്പെട്ട് നിരവധി കാര്യങ്ങള് കോടതിയെ അറിയിക്കാനുണ്ടെന്നാണ് പരാതിക്കാരി കോടതിയെ അറിയിച്ചിരിക്കുന്നത്. ഹര്ജി പരിഗണിച്ചു കക്ഷി ചേരാന് അനുമതി നല്കിയ കോടതി വിശദമായ സത്യവാങ്മൂലം സമര്പ്പിക്കാന് പരാതിക്കാരിക്ക് സമയം അനുവദിച്ചു.പരാതി കൊടുത്തതിന്റെ പേരില് പല തരത്തിലുള്ള സൈബര് ആക്രമണമാണ് നേരിടേണ്ടി വരുന്നത്. ചില കാര്യങ്ങള് കോടതിയെ നേരിട്ട് ബോധ്യപ്പെടുത്താനുണ്ട്. അതുകൊണ്ട് തന്നെ ഈ കേസില് കക്ഷി ചേര്ക്കണം. തന്റെ ഭാഗം കൂടി കേട്ടതിന് ശേഷം മാത്രമേ രാഹുല് മാങ്കൂട്ടത്തിലിന്റെ മുന്കൂര് ജാമ്യഹര്ജിയില് കോടതി തീരുമാനമെടുക്കാവൂ എന്നുമാമ് പരാതിക്കാരി ചൂണ്ടിക്കാട്ടിയത്.പരസ്പര സമ്മതത്തോടെയുള്ള ലൈംഗിക ബന്ധം മാത്രമാണ് തമ്മില് ഉണ്ടായതെന്നും നിര്ബന്ധിച്ച് ഗര്ഭഛിദ്രം നടത്തിയെന്നത് കെട്ടിച്ചമച്ച കഥയെന്നുമാണ് രാഹുല് മാങ്കൂട്ടത്തിലിന്റെ വാദം. മുന്കൂര് ഹര്ജിയെ പ്രോസിക്യൂഷന് ശക്തമായി എതിര്ത്തിരുന്നു. ഗര്ഭഛിദ്രത്തിനായി രാഹുല് മാങ്കൂട്ടത്തില് എത്തിച്ച മരുന്ന് കഴിച്ച് യുവതി അതീവ ഗുരുതരാവസ്ഥയിലായെന്നും രാഹുലിന് ജാമ്യം അനുവദിക്കരുതെന്നുമാണ് പ്രോസിക്യൂഷന്റെ വാദം.
രാഹുലിനെതിരായ ബലാത്സംഗ കേസ്: പരാതിക്കാരിയെ കക്ഷി ചേര്ത്തു; അറസ്റ്റ് തടഞ്ഞ നടപടി നീട്ടി ഹൈക്കോടതി
