ലൈംഗികാതിക്രമ കേസില് പ്രതിയായ ചലച്ചിത്ര സംവിധായകൻ പി.ടി. കുഞ്ഞുമുഹമ്മദിന്റെ മുൻകൂർ ജാമ്യാപേക്ഷയില് ഇന്ന് ഉത്തരവ്.തിരുവനന്തപുരം എഴാം അഡീഷണല് സെഷൻസ് കോടതിയാണ് ഉത്തരവ് പറയുക. സമൂഹത്തില് അറിയപ്പെടുന്ന വ്യക്തി നടത്തിയ അതിക്രമം ഗൗരവമുള്ളതാണെന്നും ഇതുകാരണം ജാമ്യം അനുവദിക്കരുതെന്നുമാണ് പ്രോസിക്യൂഷൻ വാദം.എന്നാല്, പരാതി അടിസ്ഥാന രഹിതവും ഗൂഢാലോചനയുടെ ഭാഗവുമാണെന്നായിരുന്നു പ്രതിഭാഗത്തിന്റെ വാദം. കഴിഞ്ഞ ദിവസം കേസില് വാദം പൂർത്തിയായിരുന്നു.രാജ്യാന്തര ചലച്ചിത്ര മേളയുടെ ചിത്രങ്ങള് തെരഞ്ഞെടുക്കുന്ന ജൂറി ചെയർമാനായിരുന്ന പി.ടി.കുഞ്ഞുമുഹമ്മദ് ലൈംഗികാതിക്രമം നടത്തിയെന്നാണ് സംവിധായികയുടെ പരാതി.നവംബർ 27ന് സംവിധായിക മുഖ്യമന്ത്രിക്ക് നല്കിയ പരാതിയില് ഡിസംബർ എട്ടിനാണ് പൊലീസ് കേസെടുത്തത്.
ലൈംഗികാതിക്രമ കേസ്; സംവിധായകൻ പി ടി കുഞ്ഞുമുഹമ്മദിന് നിര്ണായകം, ജാമ്യാപേക്ഷയില് വിധി ഇന്ന്
