കൂടത്തായി കൂട്ടക്കൊലക്കേസ് പ്രതി ജോളിക്കെതിരേ ഭർത്താവ് നല്‍കിയ വിവാഹ മോചന ഹർജി കോടതി അനുവദിച്ചു. കൂട്ടക്കൊല നടത്തിയ ഭാര്യ ഇനിയും ഏത് ആക്രമണത്തിനും മുതിരുമെന്നും കേസില്‍ ഉള്‍പ്പെട്ട് റിമാൻഡില്‍ വിചാരണ നീളുക‍യാണെന്നും അതിനാല്‍ വിവാഹ മോചനം അനുവദിക്കണമെന്നും ആവശ്യപ്പെട്ടാണ് ഭർത്താവ് പൊന്നാമറ്റം ഷാജു സക്കറിയാസ് കോടതിയെ സമീപിച്ചത്.കോഴിക്കോട് കുടുംബ കോടതിയിലാണ് കേസ് പരിഗണിച്ചത്.അഡ്വ. ജി. മനോഹർലാല്‍ മുഖേന നല്‍കിയ ഹർജിയാണ് കോടതി അനുവദിച്ചത്. 2021-ല്‍ നല്‍കിയ ഹർജി, എതിർഭാഗം പലതവണ കേസ് പരിഗണിച്ചിട്ടും ഹാജരാകാത്തതിനാല്‍ ഒടുവില്‍ തിങ്കളാഴ്ച തീർപ്പാക്കുകയായിരുന്നു.
കൂടത്തായി കൂട്ടക്കൊലക്കേസ്; ജോളിക്കെതിരേ നല്‍കിയ വിവാഹ മോചന ഹര്‍ജി കോടതി അനുവദിച്ചു
