ന്യൂഡൽഹി : ഡൽഹി മദ്യനയ കേസിൽ വിചാരണ കോടതിക്കെതിരെ രൂക്ഷ വിമർശനവുമായി ഡൽഹി ഹൈക്കോടതി. കേസിലെ പ്രതികളായ മുൻ ഡൽഹി മുഖ്യമന്ത്രി അരവിന്ദ് കെജ്രിവാളിനെയും എഎപി നേതാവ് മനീഷ് സിസോദിയയെയും കുറ്റവിമുക്തരാക്കിയ വിചാരണ കോടതിയുടെ ഉത്തരവിനെതിരെയാണ് ഹൈക്കോടതി രൂക്ഷവിമർശനമുന്നയിച്ചത്. നിർണായക വസ്തുതകൾ വിചാരണ കോടതി അവഗണിച്ചുവെന്ന് ഹൈക്കോടതി അഭിപ്രായപ്പെട്ടു. കേസിൽ സിബിഐക്കെതിരായ വിചാരണക്കോടതി പരാമർശങ്ങൾ ഡൽഹി ഹൈക്കോടതി സ്റ്റേ ചെയ്തു. വിചാരണ കഴിയുന്നതുവരെ കെജ്രിവാളിനെയും സിസോദിയയെയും കുറ്റവിമുക്തരാക്കില്ല എന്നും ഡൽഹി ഹൈക്കോടതി വ്യക്തമാക്കി.
ഡൽഹി മദ്യനയ കേസിൽ നിർണായക വസ്തുതകൾ വിചാരണ കോടതി അവഗണിച്ചുവെന്ന് ഹൈക്കോടതി
