ഡല്‍ഹി: ഇന്ത്യയുടെ മുന്‍ ചീഫ് ജസ്റ്റിസ് ജസ്റ്റിസ് ഡി.വൈ. ചന്ദ്രചൂഡ് നിലവില്‍ താമസിക്കുന്ന കൃഷ്ണ മേനോന്‍ മാര്‍ഗിലെ അഞ്ചാം നമ്ബര്‍ ബംഗ്ലാവ് ഒഴിപ്പിക്കാന്‍ അടിയന്തര നടപടി സ്വീകരിക്കണമെന്ന് ആവശ്യപ്പെട്ട് സുപ്രീം കോടതി ഭരണകൂടം ഭവന, നഗരകാര്യ മന്ത്രാലയത്തിന് ഔദ്യോഗികമായി കത്തെഴുതി.
2022 ലെ സുപ്രീം കോടതി ജഡ്ജിമാരുടെ നിയമങ്ങളിലെ റൂള്‍ 3 ബി പ്രകാരം, വിരമിച്ച ചീഫ് ജസ്റ്റിസിന് വിരമിച്ചതിന് ശേഷം ആറ് മാസം വരെ ഔദ്യോഗിക വസതി നിലനിര്‍ത്താന്‍ അനുവാദമുണ്ട്.ആറ് മാസത്തെ കാലാവധി 2025 മെയ് 10 ന് അവസാനിച്ചുവെന്ന് കത്തില്‍ പരാമര്‍ശിക്കുന്നു.
