ഹോളിവുഡ് നടനും സംവിധായകനുമായ ജസ്റ്റിൻ ബല്ഡോനിയ്ക്കെതിരെ നടി ബ്ലേക്ക് ലൈവ്ലി നല്കിയ പരാതിയിലെ ഭൂരിഭാഗം അവകാശവാദങ്ങളും തള്ളി കോടതി.ലൈംഗികാതിക്രമം ഉള്പ്പെടെയുള്ളവയാണ് ന്യൂയോർക്കിലെ സതേണ് ഡിസ്ട്രിക്ട് കോടതി ജഡ്ജി ലൂയിസ് ലിമൻ തള്ളിയത്.ബ്ലേക്ക് ഉന്നയിച്ച 13 ആരോപണങ്ങളില് പത്തെണ്ണം തള്ളിയെങ്കിലും ബാക്കി മൂന്നെണ്ണത്തില് നടപടികളുമായി മുന്നോട്ടുപോകാമെന്നും കോടതി വ്യക്തമാക്കി. 2024-ലാണ് ജസ്റ്റിൻ ബല്ഡോനിക്കെതിരെ ബ്ലേക്ക് ലൈവ്ലി കേസ് നല്കിയത്.ലൈംഗികാതിക്രമം, ലൊക്കേഷനില് തനിക്കെതിരായ അപവാദപ്രചരണം എന്നിവ ഉള്പ്പെടെ 13 ആരോപണങ്ങളാണ് താരം ഉന്നയിച്ചത്. ജസ്റ്റിൻ തന്നെ സംവിധാനം ചെയ്ത ‘ഇറ്റ് എൻഡ്സ് വിത്ത് അസ്’ എന്ന ചിത്രത്തിന്റെ ഷൂട്ടിങ്ങിനിടെയായിരുന്നു സംഭവം. തന്റെ രൂപത്തേയും ശരീരഭാരത്തേയും കുറിച്ച് ജസ്റ്റിൻ മോശം രീതിയില് സംസാരിച്ചുവെന്നാണ് ബ്ലേക്കിന്റെ ആരോപണം.
ജസ്റ്റിൻ ബല്ഡോനിയ്ക്കെതിരെ നടി ബ്ലേക്ക് ലൈവ്ലി; നടിയുടെ വാദം തള്ളി കോടതി
