മമത ബാനർജിക്കെതിരെ കേസ് എടുക്കാൻ സുപ്രീം കോടതിയെ സമീപിച്ച് ഇഡി.ഡിജിപി, കൊല്ക്കത്ത പൊലീസ് ഉദ്യോഗസ്ഥർ എന്നിവർക്കെതിരെയും എഫ്ഐആർ രജിസ്റ്റർ ചെയ്യണമെന്ന് ഇഡി.അന്വേഷണം തടസപ്പെടുത്തൽ, തെളിവുകള് നശിപ്പിക്കല് എന്നിവയില് കേസ് എടുക്കണമെന്നാണ് ആവശ്യം.പശ്ചിമ ബംഗാള് മുഖ്യമന്ത്രി മമത ബാനർജിയും സംസ്ഥാന സർക്കാർ ഉദ്യോഗസ്ഥരും കണ്സള്ട്ടൻസി സ്ഥാപനമായ ഐ-പാക്കിന്റെയും അതിന്റെ സഹസ്ഥാപകനായ പ്രതീക് ജെയിനിന്റെയും കൊല്ക്കത്ത ഓഫീസുകളില് നടത്തിയ അന്വേഷണത്തിലും പരിശോധനയിലും ഇടപെട്ടുവെന്ന് ആരോപിച്ചാണ് ഹർജി.അന്വേഷണവുമായി ബന്ധപ്പെട്ട നിർണായകമായ രേഖകള്, ഇലക്ട്രോണിക് ഉപകരണങ്ങള് എന്നിവ നീക്കം ചെയ്യുന്നതിലേക്ക് ഈ ഇടപെടല് കലാശിച്ചുവെന്നും നിയമപ്രകാരം ചുമതലകള് നിർവഹിക്കുന്നതില് നിന്ന് തടഞ്ഞുവെന്നും ഏജൻസി അവകാശപ്പെട്ടു.കോടതി ഇതുവരെ കേസ് പരിഗണിച്ചിട്ടില്ല.
മമത ബാനര്ജിക്കെതിരെ കേസ് എടുക്കണം; സുപ്രീം കോടതിയെ സമീപിച്ച് ഇഡി
