ടിപി ചന്ദ്രശേഖരന് വധക്കേസ് ഒന്നാം പ്രതിക്ക് പരോള്. ഒന്നാം പ്രതി എം.സി അനൂപിനാണ് കണ്ണൂർ സെൻട്രല് ജയിലില് നിന്നും പരോള് അനുവദിച്ചത്.20 ദിവസത്തേക്കാണ് പരോള്.നേരത്തെ പ്രതികളായ രജീഷ് , ഷാഫി , ഷിനോജ് എന്നിവർക്ക് പരോള് ലഭിച്ചിരുന്നു.ശനിയാഴ്ചയാണ് പരോള് അനുവദിച്ചത്.ചട്ടപ്രകാരമുള്ള പരോളാണ് അനുവദിച്ചതെന്നാണ് ജയില് അധികൃതരുടെ വാദം.നേരത്തെ രജീഷടക്കമുള്ളവര്ക്ക് പരോള് അനുവദിച്ചത് ചട്ടപ്രകാരമല്ലെന്ന് വിമര്ശനം ഉയര്ന്നിരുന്നു.ടി.പി വധക്കേസ് പ്രതികള്ക്ക് അനുവദിച്ച പരോളിനെക്കുറിച്ച് അന്വേഷണം വേണമെന്ന് ഹൈക്കോടതിയും ആവശ്യപ്പെട്ടിരുന്നു. ടി.പി കേസ് പ്രതികള്ക്ക് മാത്രം എന്ത് പ്രത്യേകതയാണുള്ളതെന്നും പന്ത്രണ്ടാം പ്രതി ജ്യോതി ബാബുവിന്റെ പരോള് അപേക്ഷയില് കഴിഞ്ഞമാസം കോടതി ചോദിച്ചിരുന്നു.ജ്യോതി ബാബുവിന്റെ പരോള് അപേക്ഷ ഹൈക്കോടതി നിരസിക്കുകയും ചെയ്തിരുന്നു.എന്തുകൊണ്ടാണ് ടി.പി കേസ് പ്രതികള്ക്ക് മാത്രം നിരന്തരം പരോള് ലഭിക്കുന്നുവെന്ന് ചോദിച്ച കോടതി ഇക്കാര്യം പരിശോധിക്കപ്പെടണമെന്നും പറഞ്ഞിരുന്നു.
ടി.പി വധക്കേസ് ഒന്നാം പ്രതി എം.സി അനൂപിന് പരോള്
