സംസ്ഥാനത്ത് തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പിന്റെ തീയതി പ്രഖ്യാപിച്ചു. രണ്ടു ഘട്ടമായിട്ടാണ് വോട്ടെടുപ്പ് നടത്തുക.തിരുവനന്തപുരം മുതല് എറണാകുളം വരെയുള്ള 7 ജില്ലകളില് ഡിസംബര് 9 ന് വോട്ടെടുപ്പ്. തൃശൂര് മുതല് കാസര്കോട് വരെയുള്ള 7 ജില്ലകളില് ഡിസംബര് 11 ന് ആയിരിക്കും വോട്ടെടുപ്പ്. വോട്ടെണ്ണല് ഡിസംബര് 13 ശനിയാഴ്ചയാണ്. സംസ്ഥാന തെരഞ്ഞെടുപ്പ് കമ്മീഷണര് എ ഷാജഹാന് ആണ് തെരഞ്ഞെടുപ്പ് തീയതി പ്രഖ്യാപിച്ചത്. തീയതി പ്രഖ്യാപിച്ചതോടെ മാതൃകാ പെരുമാറ്റച്ചട്ടം നിലവില് വന്നതായി തെരഞ്ഞെടുപ്പ് കമ്മീഷണര് അറിയിച്ചു.സംസ്ഥാനത്ത് 1200 തദ്ദേശ സ്ഥാപനങ്ങളാണ് ഉള്ളത്. അതില് മട്ടന്നൂര് നഗരസഭയിലെ കാലാവധി കഴിഞ്ഞിട്ടില്ല. അതിനാല് അതൊഴികെ, 1199 തദ്ദേശ സ്ഥാപനങ്ങളിലാണ് തെരഞ്ഞെടുപ്പ് നടക്കുന്നത്. 941 ഗ്രാമപഞ്ചായത്തുകളിലെ 17,337 വാര്ഡുകള്, 152 ബ്ലോക്ക് പഞ്ചായത്തുകളിലെ 2267 വാര്ഡുകള്, 14 ജില്ലാ പഞ്ചായത്തുകളിലെ 346 വാര്ഡുകള്, 86 മുനിസിപ്പാലിറ്റിയിലെ 3205 വാര്ഡുകള്, 6 കോര്പ്പറേഷനുകളിലെ 421 വാര്ഡുകള് എന്നിവിടങ്ങളിലേക്കാണ് തെരഞ്ഞെടുപ്പ് നടക്കുന്നത്.
പോളിങ് ഡിസംബര് 9 നും 11 നും, വോട്ടെണ്ണല് 13 ന്
