ബംഗളൂരുവില് അഞ്ച് മുനിസിപ്പല് കോർപ്പറേഷനുകളിലേക്ക് നടക്കാനിരിക്കുന്ന തിരഞ്ഞെടുപ്പില് ഇ വി എമ്മിന് പകരം ബാലറ്റ് പേപ്പറുകള് ഉപയോഗിക്കുമെന്ന് സംസ്ഥാന തിരഞ്ഞെടുപ്പ് കമ്മീഷണർ ജി എസ് സംഗ്രേഷി.പ്രാദേശിക തിരഞ്ഞെടുപ്പുകളില് ബാലറ്റ് പേപ്പറുകള് ഉപയോഗിക്കാൻ മന്ത്രിസഭ തീരുമാനിച്ചതിന് പിന്നാലെയാണ് തിരഞ്ഞെടുപ്പ് കമ്മീഷണറുടെ പ്രസ്താവന.നവംബർ 1-നകം വാർഡുകളുടെ അതിർത്തി നിർണ്ണയിക്കാനും നവംബർ 30-നകം സംവരണം നിശ്ചയിക്കാനും സുപ്രീം കോടതി നിർദ്ദേശിച്ചിട്ടുണ്ട്. ഇതിനുള്ള പ്രവർത്തനങ്ങള് നടക്കുന്നുണ്ടെന്നും സംഗ്രേഷി പറഞ്ഞു. കഴിഞ്ഞ വർഷം മെയ്-ജൂണ് മാസങ്ങളില് നടക്കേണ്ടിയിരുന്ന താലൂക്ക്, ജില്ലാ പഞ്ചായത്ത് തിരഞ്ഞെടുപ്പുകളും വൈകുകയാണ്. ബാലറ്റ് പേപ്പർ ഉപയോഗിച്ച് തിരഞ്ഞെടുപ്പ് നടത്താൻ തിരഞ്ഞെടുപ്പ് കമ്മീഷൻ തയ്യാറാണെന്നും ഇതിനായി കേന്ദ്ര തിരഞ്ഞെടുപ്പ് കമ്മീഷനുമായി കൂടിയാലോചിക്കേണ്ടതില്ലെന്നും സംഗ്രേഷി കൂട്ടിച്ചേർത്തു.
ബംഗളൂരുവില് നടക്കാനിരിക്കുന്ന തിരഞ്ഞെടുപ്പില് ഇ വി എമ്മിന് പകരം ബാലറ്റ് പേപ്പറുകള് ഉപയോഗിക്കും : സംസ്ഥാന തിരഞ്ഞെടുപ്പ് കമ്മീഷണര്
