മധ്യപ്രദേശ് :മന്ത്രി വിജയ് ഷായുമായി ബന്ധപ്പെട്ട പ്രകോപനപരമായ പ്രസംഗ കേസില്‍ രജിസ്റ്റർ ചെയ്ത എഫ്‌ഐആറിന്മേല്‍ ഹൈക്കോടതി നടത്തിയ കടുത്ത വിമർശനങ്ങള്‍, കേസിന്റെ അന്വേഷണം ശരിയായ നിയമ നടപടികള്‍ പാലിച്ചാണോ നടക്കുന്നത് എന്നതിനെക്കുറിച്ച്‌ ഗൗരവമായ സംശയങ്ങള്‍ ഉയർത്തുന്നു
രാലുകുണ്ട ഗ്രാമത്തിലെ പ്രസംഗത്തെ തുടർന്നായിരുന്നു കേസ്.എഫ്‌ഐആറിലെ വിവരങ്ങള്‍ അപര്യാപ്തമാണെന്നും, പരാതിയില്‍ ആരോപിക്കപ്പെടുന്ന കുറ്റകൃത്യങ്ങളുടെ ഘടകങ്ങള്‍ വ്യക്തമാക്കുന്നില്ലെന്നും ഹൈക്കോടതി നിരീക്ഷിച്ചു. അതേസമയം, പരാതിക്കാരന്റെ മുഴുവൻ നിവേദനവും അന്വേഷണത്തിന്റെ ഭാഗമാക്കണമെന്ന് കോടതി നിർദേശിച്ചു. അന്വേഷണത്തിന്റെ നിഷ്പക്ഷത നിലനിർത്താൻ കോടതി തന്നെ കാര്യങ്ങള്‍ നിരീക്ഷിക്കുമെന്നും വ്യക്തമാക്കി.ഭാരതീയ ന്യായ സംഹിത (BNS) അനുസരിച്ച്‌ കുറ്റകൃത്യങ്ങളെക്കുറിച്ചുള്ള വിവരങ്ങള്‍ എഫ്‌ഐആറില്‍ വ്യക്തമായി രേഖപ്പെടുത്തേണ്ടതുണ്ട്. വിജയ് ഷായുടെ പ്രസംഗത്തിന്റെ വീഡിയോയും അതുമായി ബന്ധപ്പെട്ട കോടതി ഉത്തരവും എഫ്‌ഐആറിനൊപ്പം സമർപ്പിച്ചിട്ടുണ്ടെന്ന് കോടതി പരിഗണിക്കണമെന്ന് നിയമ വിദഗ്ദ്ധർ ചൂണ്ടിക്കാട്ടുന്നു.
